suara hati rakyat yang tertindas oleh yang haus kekuasaan

"Puisi Singkek dari Bukiktinggi
Katiko Mak Beye Datang Manjalang"

Salamaik Datang Mak Beye di Ranah kami Nan RANCAK
Dek mamak tibo, kota kami lah BABADAK
Jalan lah segeh, sarok ndak bara nan NAMPAK
Simpang-simpang lah dijago urang BAGAK
Panggaleh kaki limo lah kami suruah SAJANAK MANAHAN LITAK
Lah basuruak an GAROBAK gai ka dalam PARAK
Lah balipek LAPAK-LAPAK nan BAGADEYAK
Trotoar jo Taman Jam Gadang lah nampak TACELAK

Kok Mak Beye taragak BAKODAK
Tantu mamak ka BADACAK DACAK
kagum tacangang dek subaliak nampak SUMARAK..

Yo mantun lah MAK
Duo hari ko kami basamo yo harus pandai manyuruak an TUKAK
Kami andokkan sagalo luko nan MARUYAK
Kami tutuik sagalo bantuak buruak nan MANYAMAK
Bukan tando haromaik kami ka MAMAK
Tapi iko sakedar malestarikan tradisi BAPURAK-PURAK
Purak purak RANCAK
Mambungkuih nan sabananyo BASALEMAK
.....................